Xalq deputatlari tuman Kengashi deputati Alimov Chori deputatlarning 2026-yil birinchi yarim yilligi uchun tasdiqlangan saylovchilar bilan uchrashuvlar jadvalida belgilangan vazifalar ijrosi yuzasidan tumandagi “Do‘stlik” mahallasida saylovchilar bilan navbatdagi uchrashuvni o‘tkazdi.

Uchrashuv davomida deputat tomonidan O‘zbekiston Respublikasi Oliy Majlisi Senatining 5-6 fevral kunlari o‘tkazilgan o‘n uchinchi yalpi majlisi haqida va undagi jamiyat hayotining barcha sohalari huquqiy asoslarini mustahkamlashga va mamlakatimizda amalga oshirilayotgan keng ko‘lamli islohotlar samaradorligini oshirishga, xalqaro hamkorlikni rivojlantirishga qaratilgan 17 ta masala, shu jumladan ko‘rib chiqilgan 8 ta qonunlar haqida axborot berildi.

Deputat tomonidan mazkur qonunlarning mazmun-mohiyati, ularning aholi turmush darajasini yaxshilash, tadbirkorlikni qo‘llab-quvvatlash, ijtimoiy himoya tizimini mustahkamlash va hududlarni barqaror rivojlantirishdagi o‘rni atroflicha tushuntirildi. Axborotdan so‘ng uchrashuv ochiq muloqot tarzida davom ettirilib, mahalla aholisi tomonidan ko‘tarilgan bir qancha dolzarb masalalar yuzasidan murojaatlar tinglandi. Bildirilgan taklif va muammolar tegishli tartibda qayd etilib, ularni o‘rganish va hal etish bo‘yicha mas’ul tashkilotlar bilan hamkorlikda aniq choralar ko‘rish belgilandi.

Uchrashuv yakunida deputat tomonidan saylovchilar bilan muntazam muloqot olib borish, ularning qonuniy manfaatlarini himoya qilish hamda murojaatlarning ijobiy yechimini ta’minlash deputatlik faoliyatining ustuvor yo‘nalishi ekani alohida ta’kidlandi.

Qiziriq tumani Kengashi Axborot xizmati

Rasmiy sahifalarimiz👇

Telegram (https://t.me/+h07HeUv_IP44MmUy) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)

Slide 1 of 2