Kegeyli rayonında málimleme-kitapxana sistemasınıń jumısın bunnan bılay da jetilistiriw, xalıqqa kórsetilip atırǵan málimleme xızmetleriniń sapasın arttırıw maqsetinde Xalıq deputatları Kegeyli rayonlıq Keńesi baslıǵı B.Matekov rayonlıq málimleme-kitapxana orayınıń jumısın úyrendi.

Úyreniw procesinde oraydıń materiallıq-texnikalıq bazası, kitap fondınıń jaǵdayı, oqıwshılarǵa jaratılǵan sharayatlar, elektron resurslardan paydalanıw imkaniyatları jáne xalıq, ásirese, jaslar arasında kitapqumarlıq mádeniyatın arttırıw baǵdarında ámelge asırılıp atırǵan jumıslar hár tárepleme úyrenildi.