🤝Deputat va mahalla yettiligi hamkorligida ko‘p qavatli uylar va hudud obodligi holati joyiga chiqib o‘rganildi

🇺🇿 Xalq deputatlari Olmazor tumani Kengashi deputati Turdiqul Bobomuratov tomonidan “Dolzarb 40 kun” tadbirlari doirasida Olmazor tumanining “Guruchariq” MFY hududida mahalla yettiligi faoliyati, fuqarolar murojaatlari hamda boshqaruv kompaniyalari faoliyati samaradorligi yuzasidan o‘rganish ishlari amalga oshirildi.

💡 O‘rganish davomida ko‘p qavatli uylarning ichki yo‘laklari (podyezdlari), yerto‘lalari, uylar atrofidagi maydonlarning tozaligi, obodonlashtirilishi va yoritilishi holatiga alohida e’tibor qaratildi.

🗣 Uchrashuv davomida deputat tomonidan 2026-yilning birinchi yarim yilligida amalga oshirilgan deputatlik faoliyati, saylovchilar murojaatlari yuzasidan olib borilgan ishlar va erishilgan natijalar haqida batafsil axborot berildi.

📆 Shuningdek, mahalla yettiligi vakillari bilan birgalikda 2026-yilning ikkinchi yarmida hududda amalga oshirilishi lozim bo‘lgan ustuvor vazifalar, mavjud muammolar hamda kelgusidagi rejalar muhokama qilindi.

📎 Mazkur o‘rganish va uchrashuvlar Mahalliy Kengash deputatlari faoliyatining 24 ta ustuvor yo‘nalishi doirasida:
🔹 hududlarni obodonlashtirish va ko‘kalamzorlashtirish;
🔹 ko‘p qavatli uylar infratuzilmasini yaxshilash;
🔹 uy-joy fondining saqlanishi va umumiy foydalanish joylari holatini o‘rganish;
🔹 sanitariya va tozalikni ta’minlash;
🔹 hududlarni yoritish;
🔹 fuqarolar murojaatlarini o‘rganish va ularning muammolariga amaliy yechim topish;
🔹 mahalla yettiligi hamda mas’ul tashkilotlar bilan hamkorlikni kuchaytirish
kabi yo‘nalishlarda olib borilayotgan ishlarning samaradorligini oshirishga qaratildi.

📌 Asosiy maqsad — aholi murojaatlariga amaliy yechim topish, mahallalarda obodlik va osoyishtalikni ta’minlash hamda fuqarolar uchun munosib yashash sharoitlarini yaratish.

👇 Bizni ijtimoiy tarmoqlarda kuzatib boring!