Xalq deputatlari Jondor tumani Kengashi deputati G‘.Hamroyev hamda Xalq deputatlari Jondor tumani Kengashi kotibiyati mudiri I.Xolov hamkorligida tumandagi “Yoshkuch” mahallasi aholisi bilan ochiq muloqot tashkil etildi.
✔️Uchrashuv davomida fuqarolarning murojaat va takliflari tinglanib, ularni qiynayotgan dolzarb masalalar muhokama qilindi. Ayniqsa, mahalla infratuzilmasini yaxshilash, yo‘llar ta’miri, kommunal xizmatlar sifati, aholi bandligini ta’minlash hamda ijtimoiy sohadagi mavjud muammolar yuzasidan fikr almashildi.
✔️Muloqot chog‘ida ko‘tarilgan har bir murojaat atroflicha o‘rganilib, ularni qonun doirasida hal etish bo‘yicha tegishli chora-tadbirlar belgilandi. Mas’ul tashkilotlar bilan hamkorlikda yechim talab qiladigan masalalar nazoratga olinishi ta’kidlandi.
✔️Uchrashuv yakunida aholi bilan doimiy muloqotni yo‘lga qo‘yish, fuqarolarning taklif va tashabbuslarini qo‘llab-quvvatlash hamda ularning muammolarini o‘z vaqtida bartaraf etish deputatlik faoliyatining ustuvor yo‘nalishlaridan biri ekani qayd etildi. Bunday ochiq muloqotlar aholi manfaatlarini ta’minlash, davlat organlari va fuqarolar o‘rtasidagi hamkorlikni yanada mustahkamlashga xizmat qilmoqda.