Xalq deputatlari tuman Kengashi kotibiyatining kunlik Ish rejasiga asosan mahallalarda o‘rganishlar o‘tkazilmoqda.

Xalq deputatlari tuman Kengashiga 9-Darband saylov okrugidan saylangan deputati Ramazonov Muzaffar Xolmirzayevich va tuman Kengashi kotibiyati bosh mutaxassisi Xoliqov Bahodirlar tomonidan tumandagi “Darband” mahallasida o‘rganishlar olib borildi.

O‘rganishlar davomida “mahalla yettiligi” faoliyati tizimli tahlil qilinib, ularning hududdagi ijtimoiy-ma’naviy muhitni mustahkamlash, aholi bandligini ta’minlash, yoshlar va xotin-qizlar bilan ishlash borasidagi faoliyati atroflicha ko‘rib chiqildi.

Mahallada amalga oshirilayotgan bunyodkorlik ishlari, yangi tashabbuslar hamda aholi faolligi alohida e’tirof etildi. Fuqarolar bilan o‘tkazilgan ochiq muloqotlar davomida ularning taklif va murojaatlari tinglanib, mavjud muammolarni bartaraf etish bo‘yicha aniq chora-tadbirlar belgilab olindi.

Shuningdek, deputat faoliyatining eng muhim 24 ta ustuvor yo‘nalishidan kelib chiqib, hududlarda amalga oshirilayotgan ishlar samaradorligi baholandi va kelgusidagi vazifalar yuzasidan tegishli mas’ullarga aniq ko‘rsatmalar va takliflar berildi.