Xalq deputatlari Jondor tumani Kengashi kotibiyati mudiri I.Xolov hamda tuman elektr ta’minoti korxonasi boshlig‘i O.Usmonovlar hamkorligida aholidan kelib tushayotgan murojaatlar asosida elektr ta’minoti sohasidagi dolzarb muammolar tahlil qilindi.

✔️Xususan, 2026 yil davomida deputatlar tomonidan tuman elektr ta’minoti korxonasi faoliyatiga oid jami 11 ta deputat so‘rovi kiritilgan bo‘lib, mazkur so‘rovlarning ijrosi atroflicha ko‘rib chiqildi. Tahlillar davomida elektr energiyasi ta’minotidagi uzilishlar, texnik nosozliklar, tarmoqlarni modernizatsiya qilish zarurati kabi masalalar asosiy muammolar sifatida qayd etildi.

✔️Mas’ullar tomonidan har bir deputat so‘rovi yuzasidan amalga oshirilgan ishlar, erishilgan natijalar va hali yechim talab etayotgan masalalar muhokama qilindi. Shuningdek, kelgusida bunday muammolarni bartaraf etish, aholiga sifatli va uzluksiz elektr ta’minotini ta’minlash bo‘yicha aniq chora-tadbirlar belgilab olindi.

✔️Bu kabi tahliliy o‘rganishlar hududdagi muammolarni tizimli hal etishga, aholi murojaatlariga tezkor va samarali javob qaytarishga xizmat qiladi.