Xalq deputatlari Bekobod shahar Kengashining 21-“Hamid Olimjon” saylov okrugidan saylangan O‘zbekiston Ekologiya partiyasi deputati Z.Turdibekova hamda kotibiyat bosh mutaxassisi U. To‘ychiyev tomonidan Saylgoh hiyobonining holati o‘rganildi. O‘rganish jarayonida hiyobon hududining obodonlashtirish darajasi, yashil maydonlarning parvarishi, daraxt va butalarning holati,
piyodalar yo‘laklari, dam olish maskanlari hamda sanitariya-tozalik masalalariga alohida e’tibor qaratildi. Shuningdek, fuqarolar uchun yaratilgan sharoitlar, infratuzilmaning holati va mavjud muammolar tahlil qilindi. Aniqlangan kamchilik va muammolarni bartaraf etish yuzasidan tegishli mas’ul tashkilotlarga taklif va tavsiyalar berildi hamda kelgusida hiyobon hududini yanada obodonlashtirish, ekologik muhitni yaxshilash bo‘yicha aniq chora-tadbirlar belgilab olindi.