NOVNEKT MAHALLASIDA O‘RGANISH ISHLARI OLIB BORILDI 

Xalq deputatlari Quva tuman Kengashi deputati M.Akramov, Kengash huzuridagi
Yoshlar maslahat guruhi rahbari J.Abdurashidov hamda kotibiyat bosh mutaxassisi
A.Fozilov tomonidan Novkent mahalla fuqarolar yig‘inida mahalla mas’ullari va
ko‘chaboshi bilan birgalikda 24 ta masala yuzasidan o‘rganish ishlari olib
borildi. 

O‘rganishda mahalla raisi R.O‘rmonov hamda Ziyo ko‘chasi ko‘chaboshisi
M.Rustamov ishtirok etdi. 

Jarayonda tuman hokimligi tomonidan ajratilgan mablag‘lar hisobidan
mahallaga olib kelingan transformator hamda beton tayanch ustunlarini o‘rnatish
ishlari o‘rganildi. 

Shuningdek, elektr ta’minoti infratuzilmasini yaxshilash, transformator va
beton tayanch ustunlarini o‘rnatish ishlarini sifatli yakunlash hamda aholini
barqaror elektr energiyasi bilan ta’minlash masalalariga e’tibor qaratildi.
Aniqlangan masalalar yuzasidan tuman elektr ta’minoti korxonasi xodimlariga
tegishli tavsiyalar berildi.