Xalq deputatlari Yangiobod tuman Kengashi deputati E. Qobulov davlat-xususiy sheriklik asosida tashkil etilgan “Mohir bolajon” maktabgacha ta’lim tashkilotida bo‘lib, bolalar maydonchasining holati hamda kuz-qish mavsumiga tayyorgarlik ishlarini o‘rgandi.

O‘rganish davomida tarbiyalanuvchilar foydalanadigan o‘yin maydonchasining holati, mavjud o‘yin jihozlarining xavfsizligi, hududning obodonligi va bolalar uchun yaratilgan sharoitlarga e’tibor qaratildi.

Shuningdek, kuz-qish mavsumida tarbiyalanuvchilar uchun munosib haroratni ta’minlash, isitish tizimining sozligi, bino va xonalarning mavsumga tayyorligi hamda hududda tozalikni saqlash masalalari ko‘rib chiqildi.

Deputat maktabgacha ta’lim tashkilotida bolalar xavfsizligini ta’minlash, o‘yin maydonchasidagi jihozlarni muntazam tekshirib borish, hududni obod saqlash hamda kuz-qish mavsumiga tayyorgarlik ishlarini belgilangan talablar asosida tashkil etish muhimligini ta’kidladi.

Mavjud sharoitlarni yanada yaxshilash, aniqlangan kamchiliklarni o‘z vaqtida bartaraf etish va tarbiyalanuvchilar uchun qulay muhitni ta’minlash yuzasidan tegishli tavsiyalar berildi.