#24_ta_masala

#DEPUTATLIK_NAZORATI

Bandixon tumanida kambag‘allikni qisqartirish borasidagi vazifalar ijrosi o‘rganildi

✅O‘zbekiston Respublikasi Oliy Majlisi Senati Kengashining 2024-yil 29-noyabrdagi “Kambag‘allikni qisqartirish bo‘yicha belgilangan ustuvor vazifalarning bajarilishini nazorat qilish chora-tadbirlari to‘g‘risida”gi KQ-6-V-son Qarori ijrosini ta’minlash, tumanda aholi farovonligini oshirish va bandlik masalalarini tizimli hal etish maqsadida keng ko‘lamli o‘rganish ishlari olib borilmoqda.

✅Shu munosabat bilan, Xalq deputatlari Bandixon tumani kengashi kotibiyati mudiri A.Pardayev hamda tuman kambag'allikni qisqartirish va bandlikka ko'maklashish bo'limi boshlig'i O.Muratovning mazkur qaror doirasida belgilangan vazifalarning tumandagi ijro holati atroflicha tahlil qilindi.

✅Kambag‘allikni qisqartirish va bandlikka ko‘maklashish bo‘limi faoliyati tahlili

✅O‘rganish ishlari davomida asosiy e’tibor tuman Kambag‘allikni qisqartirish va bandlikka ko‘maklashish bo‘limi boshlig‘i va bo‘lim xodimlarining faoliyatiga qaratildi. Xususan, quyidagi yo‘nalishlar bo‘yicha amalga oshirilgan ishlar holati va natijadorligi ko‘zdan kechirildi:

✅"Kambag‘allikdan farovonlik sari" dasturi ijrosi: Tumandagi kam ta’minlangan va ehtiyojmand oilalarni xatlovdan o‘tkazish, ularning individual dasturlarini tuzish va kambag‘allikdan chiqarish bo‘yicha ko‘rilayotgan choralar;

✅Aholi bandligini ta’minlash: Bo‘sh ish oringlarini aniqlash, ishsiz fuqarolarni, ayniqsa xotin-qizlar va yoshlarni doimiy hamda mavsumiy ishlarga joylashtirish ko‘rsatkichlari;

✅Tadbirkorlik va o‘zini o‘zi band qilish: Fuqarolarga tadbirkorlik faoliyatini boshlash uchun ajratilayotgan subsidiyalar, mehnat qurollari yetkazib berilishi va o‘zini o‘zi band qilgan shaxslarga yaratilgan sharoitlar.

✅O‘rganish davomida tuman Kambag‘allikni qisqartirish va bandlikka ko‘maklashish bo‘limi boshlig‘ining Senat Kengashi qarorida belgilangan ustuvor vazifalarni hayotga tatbiq etish borasidagi hisoboti va kelgusi rejalari tinglandi.