Xalq deputatlari tuman Kengashi deputati A.Isroilov tomonidan 17-sonli umumiy o‘rta ta’lim maktabida o‘quvchilar uchun yaratilgan sharoitlar o‘rganildi.

Ta’lim sifati, avvalo, o‘quvchi uchun yaratilgan sharoit, zamonaviy imkoniyatlar va ta’lim jarayonining to‘g‘ri tashkil etilishi bilan chambarchas bog‘liq. Shu bois maktabdagi mavjud sharoitlarni joyiga chiqib o‘rganish va aniqlangan masalalarga e’tibor qaratish deputatlik nazoratining muhim yo‘nalishlaridan biridir.

O‘rganish davomida o‘quv xonalari, maktabning umumiy holati, o‘quvchilar uchun yaratilgan qulayliklar, ta’lim olish jarayonidagi mavjud imkoniyatlar ko‘zdan kechirildi.

Shuningdek, maktab ma’muriyati va pedagoglar bilan suhbatlashilib, o‘quvchilarning sifatli ta’lim olishi uchun yaratilgan sharoitlar, ta’lim jarayonini yanada takomillashtirish hamda mavjud imkoniyatlardan samarali foydalanish masalalari muhokama qilindi.

O‘quvchilar bilan ham muloqot qilinib, ularning ta’lim olish jarayonidagi fikr va takliflariga e’tibor qaratildi. Bolalar uchun qulay, xavfsiz va zamonaviy ta’lim muhitini yaratish muhimligi ta’kidlandi.

Deputat tomonidan maktabdagi sharoitlarni yanada yaxshilash, o‘quvchilarning ta’lim olishi uchun zarur imkoniyatlarni kengaytirish hamda aniqlangan masalalarni tegishli tartibda nazoratga olishga e’tibor qaratildi.