Xalq deputatlari Bag‘dod tumani Kengashi deputati Abdullayev G‘ayratjon G‘ulomjonovich tomonidan Bag‘dod tumani Madaniyat bo‘limi boshlig‘i A.Xatamovgaga 75-ds-287-26-sonli deputat so‘rovi yuborildi.

📊 Deputat so‘rovida Xalq deputatlari Bag‘dod tumani Kengashi deputatlarining saylovchilar bilan uchrashuvlari hamda hududlarda mavjud muammolarni o‘rganish yuzasidan tasdiqlangan reja-jadvalga muvofiq, “Qo‘shtegirmon-1” mahalla fuqarolar yig‘ini hududida o‘rganish ishlari olib borilgani qayd etildi.

✅ O‘rganish davomida “Qo‘shtegirmon-1” mahalla fuqarolar yig‘ini Chorbog‘ ko‘chasida joylashgan, 1877-yilda qurilgan “Abduraxmon ofobachi” nomli masjid bilan bog‘liq masala ko‘rib chiqildi.

✅ Mazkur masjid 1981-yilda Madaniy meros agentligi balansiga o‘tkazilganligi haqida ma’lumotlar mavjud bo‘lsa-da, hozirgi kunda ushbu tarixiy obyekt Madaniy meros agentligi balansida emasligi ma’lum bo‘ldi.

✅ Mazkur tarixiy obyektning tegishli tartibda muhofaza qilinishi, saqlanishi hamda undan foydalanish masalalarini tartibga solish maqsadida uni Madaniy meros agentligi balansiga o‘tkazish zarurati mavjudligi bildirildi.

✅ Yuqoridagilarni inobatga olib, O‘zbekiston Respublikasining “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunining 8-moddasiga muvofiq, deputat so‘rovida “Qo‘shtegirmon-1” mahalla fuqarolar yig‘ini Chorbog‘ ko‘chasida joylashgan, 1877-yilda qurilgan “Abduraxmon ofobachi” nomli masjidni Madaniy meros agentligi balansiga o‘tkazish bo‘yicha tegishli choralar ko‘rish so‘raldi.