Xalq deputatlari Oltinsoy tuman Kengashining 9-“Bibizaynab” saylov okrugi deputati Xaitova Ayjomal Nazirovna tomonidan “Yangi O‘zbekiston qiyofasi”ning muhim mezonlari hududda amalga oshirilayotgan davlat dasturlari va obodonlashtirish loyihalari yuzasidan navbatdagi deputatlik nazorati tadbiri o‘tkazildi.

O‘rganishlar davomida okrug hududida aholining turmush sharoitini yaxshilash, infratuzilmani rivojlantirish hamda “Yangi O‘zbekiston qiyofasi”ning muhim mezonlaridan biridir hududlarni obod qilish borasida olib borilayotgan qurilish va ta’mirlash ishlari ko‘zdan kechirildi. Xususan:

Elektr va muhandislik tarmoqlari: Hududda yangi beton ustunlarni o‘rnatish, elektr va texnik tarmoqlarni tortish hamda maxsus texnikalar yordamida olib borilayotgan montaj ishlarining borishi ko‘zdan kechirildi;

Sifat va muddat nazorati: Qurilish va ta’mirlash ishlarining belgilangan loyiha-smeta hujjatlariga muvofiqligi, amaldagi qurilish me’yorlariga rioya etilayotgani hamda ishlarning o‘z vaqtida va sifatli bajarilishi masalalariga alohida e’tibor qaratildi.

Tadbir davomida deputat A.Xaitova jarayonda ishtirok etayotgan mutassislar hamda ishchilar bilan muloqot qilib, ishlarni jadallashtirish va xavfsizlik qoidalariga qat’iy rioya etish yuzasidan o‘z taklif va tavsiyalarini berdi.

Amalga oshirilayotgan ushbu ezgu loyihalar mahalla ahlining qulay va munosib turmush kechirishini ta’minlashga xizmat qiladi. Dastur ijrosi yuzasidan deputatlik nazorati davom etmoqda.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz