ҲАР БИР ОИЛАГА — АМАЛИЙ КЎМАК, ҲАР БИР ХОНАДОНГА — ДОИМИЙ ДАРОМАД МАНБАИ
Янгиқўрғон тумани ҳокими, Халқ депутатлари Янгиқўрғон тумани Кенгаши депутати Нажмиддинов Асадулла Икромович томонидан «Дўстлик» маҳалласида хонадонбай ўрганиш ишлари олиб борилди.
Ўрганишлар давомида ижтимоий реестрга киритилган ҳамда эҳтиёжманд оилаларнинг турмуш шароити, мавжуд муаммолари, бандлик ҳолати ва даромад манбалари атрофлича ўрганилди. Фуқаролар билан бевосита мулоқот қилиниб, уларнинг таклиф ва мурожаатлари тингланди.
Асосий эътибор ҳар бир оиланинг имконият ва эҳтиёжларидан келиб чиққан ҳолда:
🔹 фуқароларни доимий ва барқарор даромад манбаи билан таъминлаш;
🔹 ишсиз аҳоли бандлигини йўлга қўйиш;
🔹 касб-ҳунар ва тадбиркорликка жалб этиш;
🔹 мавжуд имкониятлардан самарали фойдаланиш;
🔹 эҳтиёжманд оилаларни камбағалликдан чиқаришга қаратилди.
Хонадонбай мулоқотлар жараёнида аниқланган муаммоларни ҳал этиш, фуқароларга манзилли ва амалий кўмак кўрсатиш ҳамда оилаларнинг иқтисодий барқарорлигини таъминлаш бўйича мутасадди раҳбарларга тегишли вазифалар белгилаб берилди.
Ҳар бир мурожаатнинг ижроси назоратга олиниб, белгиланган чора-тадбирларни ўз вақтида ва сифатли амалга ошириш юзасидан масъулларга топшириқлар берилди.