Xalq deputatlari Yangiobod tuman Kengashi deputati G. Raimova tomonidan Sarmich mahallasida “Yangi O‘zbekiston qiyofasi” dasturi loyihasi asosida qurilayotgan piyodalar yo‘lagining qurilish holati joyiga chiqqan holda o‘rganildi.

O‘rganish davomida piyodalar yo‘lagini barpo etish ishlari, qurilish jarayonining borishi, yo‘lakning belgilangan hudud bo‘ylab qurilishi hamda aholi uchun xavfsiz va qulay harakatlanish sharoitlarini yaratish masalalariga e’tibor qaratildi.

Shuningdek, qurilish ishlarining sifati, hududni tayyorlash, yo‘lakning mustahkamligi va obodonlashtirish ishlari bilan uyg‘unligini ta’minlash holati ko‘zdan kechirildi.

Mazkur loyiha mahalla infratuzilmasini yaxshilash, piyodalar harakati xavfsizligini ta’minlash va aholi uchun yanada qulay yashash muhitini yaratishga qaratilgani qayd etildi.

O‘rganish yakunida qurilish ishlarini sifatli davom ettirish, aniqlangan kamchiliklarni bartaraf etish hamda piyodalar yo‘lagini belgilangan talablar asosida yakunlash yuzasidan tegishli tavsiyalar berildi.