Qabulda tuman Xalq qabulxonasi vakillari, korxona va tashkilotlar rahbarlari hamda o‘zlarini qiynayotgan masalalar bo‘yicha amaliy yordam so‘rab murojaat qilgan fuqarolar ishtirok etdi.
Qabul jarayonida fuqarolar tomonidan kadastr hujjatlarini rasmiylashtirish, ishga joylashish, moddiy yordam ko‘rsatish va boshqa ijtimoiy masalalar yuzasidan jami 8 ta murojaat bildirildi.
Murojaatlarning aksariyati bo‘yicha tegishli mas’ullar ishtirokida masalalarga qabul jarayonining o‘zidayoq yechim topildi. Qo‘shimcha o‘rganish va muayyan muddat talab etadigan murojaatlar yuzasidan mas’ul rahbarlarga aniq ko‘rsatma va topshiriqlar berilib, ularning ijrosi nazoratga olindi.
Fuqarolar bilan ochiq muloqot asosida o‘tkazilayotgan bunday qabullar aholining muammolarini o‘z vaqtida aniqlash, ularni qonuniy va amaliy jihatdan hal etish hamda fuqarolarning murojaatlariga e’tiborni yana-da kuchaytirishga xizmat qilmoqda.