#Doimiy_komissiya_faoliyati
#19_1_modda

Xalq deputatlari Payariq tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi yig‘ilishida O‘zbekiston Respublikasi Vazirlar Mahkamasining 2025-yil 6-yanvardagi 1-sonli “Davlat maktabgacha ta’lim tashkilotlarida sog‘lom ovqatlantirish tartibini takomillashtirish chora-tadbirlari to‘g‘risida”gi qarori hamda davlat maktabgacha ta’lim tashkilotlarida bolalar hayoti va sog‘lig‘ini muhofaza qilish, umumiy xavfsizlik talablariga rioya etilishi holati yuzasidan masala muhokama qilindi.

Muhokamalar yakunida Payariq tumani Maktabgacha va maktab ta’limi bo‘limi mudiri O‘. Xo‘jamqulov zimmasiga tumandagi davlat maktabgacha ta’lim tashkilotlarida mazkur qaror ijrosini to‘liq ta’minlash, sog‘lom ovqatlantirish tizimi ustidan ichki nazoratni kuchaytirish, oziq-ovqat mahsulotlarining sifati, saqlanishi va tayyorlanishi, shuningdek, sanitariya-gigiyena talablariga qat’iy rioya etilishi yuzasidan muntazam monitoring olib borish hamda aniqlangan kamchiliklarni o‘z vaqtida bartaraf etish bo‘yicha aniq va ta’sirchan choralarni ko‘rish vazifasi yuklatildi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|