#haftalik_ish_reja
#deputat_faoliyati
#kotibiyat_xodimi_faoliyati
#162_qonun
#Biriktirilgan tashkilot

Bandixon tumanida ijtimoiy himoya masalalari deputatlar nazoratida

Xalq deputatlari Bandixon tumani Kengashi deputati X.Abdimo‘minovga biriktirilgan tuman Kengashi bosh mutaxassisi E. Eshonqulov tomonidan navbatdagi nazorat-tahlil tadbiri o‘tkazildi.

Tadbir davomida tumandagi "Inson" ijtimoiy xizmatlar markazi faoliyati o‘rganilib, nogironligi bo‘lgan fuqarolarga davlat tomonidan ko‘rsatilayotgan ijtimoiy himoya va imtiyozlarning amaldagi holati tahlil qilindi.

O‘rganish jarayonida quyidagi masalalarga alohida e’tibor qaratildi:

📌 Nogironligi bo‘lgan shaxslarga ijtimoiy nafaqalarning o‘z vaqtida tayinlanishi;
📌 Reabilitatsiya texnik vositalari (nogironlik aravachalari, eshitish moslamalari va boshqa zarur vositalar) bilan ta’minlanish darajasi;
📌 Markazda fuqarolar uchun yaratilgan sharoitlar hamda xodimlarning xizmat ko‘rsatish madaniyati va muomala etikasi.

Nazorat-tahlil yakunida aniqlangan kamchiliklarni bartaraf etish, ijtimoiy xizmatlar sifatini yanada oshirish hamda fuqarolarga ko‘rsatilayotgan xizmatlar samaradorligini kuchaytirish yuzasidan mas’ullarga tegishli tavsiyalar berildi.

Fuqarolarning ijtimoiy himoyasini ta’minlash, ularning huquq va manfaatlarini himoya qilish deputatlik nazoratining ustuvor yo‘nalishlaridan biri bo‘lib qolmoqda.