📍 O‘zbekiston Respublikasi Vazirlar Mahkamasining 2025-yil 22-maydagi 312-son qarori *"Yoshlar muammolarini o‘rganish va hal etish tizimini yanada takomillashtirish chora-tadbirlari to‘g‘risida"*gi qarori ijrosi yuzasidan deputatlik nazorati amalga oshirildi.
✅ Xalq deputatlari Shovot tumani Kengashining 15-Taraqqiyot saylov okrugi deputati Yaqubov To‘lqin Sa’dullayevich hamda Kengash kotibiyati xodimi Ro‘zmetov Umrbek Shavkatovich tomonidan Taraqqiyot mahallasi yoshlar yetakchisi Sayilxanov Furqatbek Atabayevichning 2026-yilning 6 oyi davomida amalga oshirgan faoliyati o‘rganildi.
📊 O‘rganish davomida quyidagi yo‘nalishlar bo‘yicha amalga oshirilgan ishlar tahlil qilindi:
📌 Mahallada 3 706 nafar aholi, shundan 1 744 nafar yoshlar, 954 nafari 14–30 yoshdagi fuqarolar, 471 nafari xotin-qizlar ekani qayd etildi.
📋 "Yoshlar balansi" shakllantirilib, 497 nafar yosh xatlovdan o‘tkazildi. Yoshlarning bandligi, ta’limi, salomatligi, ijtimoiy va oilaviy holati hamda qiziqishlari o‘rganildi.
💼 Bandlik yo‘nalishida og‘ir toifadagi 11 nafar ishsiz yoshning barchasi doimiy ish bilan ta’minlandi.
🎓 Bitiruvchilar bandligini ta’minlash doirasida:
🔹 14 nafar maktab bitiruvchisi oliy ta’lim muassasalariga o‘qishga qabul qilindi;
🔹 professional va oliy ta’lim bitiruvchilarining bandligini ta’minlash bo‘yicha amaliy ishlar olib borildi.
🤝 Probatsiya ro‘yxatidagi 1 nafar yosh bilan manzilli ishlash tashkil etilgan.
🌍 Mahalladagi 48 nafar migrant yosh bilan muntazam onlayn muloqotlar yo‘lga qo‘yilib, ularning muammo va takliflari o‘rganib borilmoqda.
🏆 "Besh tashabbus olimpiadasi" doirasida 1 196 nafar yosh turli tanlov va loyihalarga jalb etilib, bo‘sh vaqtlarini mazmunli tashkil etish ta’minlangan.
💡 Mega loyihalar doirasida:
📚 "Mutolaa" loyihasida – 345 nafar yosh;
🌐 "Ibrat Academy" platformasida – 152 nafar yosh;
🤖 "Ustoz AI" loyihasida – 189 nafar yosh;
♟ "UzChess" platformasida – 307 nafar yosh;
👩‍🎓 "Qizlar akademiyasi"da – 29 nafar xotin-qiz faol ishtirok etmoqda.
👨‍👩‍👧 O‘zbekiston Respublikasi Prezidentining tegishli hujjatlari ijrosi yuzasidan xulq-atvorida muayyan murakkabliklar kuzatilgan 6 nafar o‘quvchi bilan individual ishlash dasturi ishlab chiqilib, ularning barchasi to‘garaklarga jalb etilgan.
📝 O‘rganish yakunida yoshlar yetakchisi faoliyatini yanada takomillashtirish, yoshlar bandligini oshirish, iqtidorli yoshlarni qo‘llab-quvvatlash hamda davlat dasturlari ijrosini samarali tashkil etish bo‘yicha tegishli tavsiya va takliflar bildirildi.
🇺🇿 Xalq deputatlari Shovot tumani Kengashi deputatlari tomonidan yoshlar masalalari doimiy deputatlik nazoratida bo‘lib qoladi.