Xalıq Deputatları Bozataw rayonlıq Keńesi 3-sanlı “Mádeniyat” saylaw okruginen (XDP) saylanǵan deputat G.Yusupova rayon hákimligi imaratında jeke qabıllawı bolıp ótti.

Qabıllaw dawamında puqaralar óziniń turmıslıq múrájatı menen qatnasıp, kóterilgen másele boyınsha ámeliy járdem soradı. Deputat tárepinen múrájatta bayan etilgen másele tıńlanıp, onı nızam sheńberinde sheshiw hám tiyisli mákemeler menen birgelikte úyreniw jumısların alıp barıw boyınsha rayon hákimliginiń múrájatlar menen islesiwshi qánigesi B.Ametov penen birgelikte tiyisli tapsırmalar belgilendi.

Jeke qabıllaw procesinde puqaralardıń múrájatların óz waqtında kórip shıǵıw, olardıń sociallıq turmısında ushırasıp atırǵan mashqalalardı sheshiw máselelerine ayrıqsha itibar qaratıldı.