Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat F.Axmedov va kotibiyat xodimi N.Kurganova tomonlaridan tuman Markaziy dehqon bozoridagi “Elga xizmat” rastalarida aholini asosiy turdagi oziq-ovqat mahsulotlari bilan uzluksiz ta’minlash, mahsulotlar narxining barqarorligi hamda bozordagi mavjud zaxiralar holatini o‘rganish maqsadida monitoring o‘tkazildi.

O‘rganish jarayonida aholi kundalik iste’mol qiladigan un va un mahsulotlari, non, go‘sht, parranda go‘shti, tuxum, sut va sut mahsulotlari, o‘simlik yog‘i, shakar, guruch, kartoshka, piyoz, sabzi, karam hamda boshqa sabzavot va meva mahsulotlarining amaldagi narxlari tahlil qilindi. Shuningdek, mazkur mahsulotlarning bozordagi zaxirasi, savdo rastalaridagi mavjudligi, sifati, saqlash sharoitlari hamda xaridorlar uchun yaratilgan qulayliklarga alohida e’tibor qaratildi.

Monitoring davomida bozor ma’muriyati, tadbirkorlar va sotuvchilar bilan muloqot qilinib, aholini sifatli va arzon oziq-ovqat mahsulotlari bilan muntazam ta’minlash, mahsulotlar tanqisligiga yo‘l qo‘ymaslik, sun’iy narx oshirilishi holatlarining oldini olish hamda savdo qoidalariga qat’iy rioya qilish yuzasidan tavsiyalar berildi.