Xalq deputatlari Angor tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi a'zolari tomonidan O‘zbekiston Respublikasi Prezidentining 2025-yil 21-apreldagi PF–71-sonli “Korrupsiyaga qarshi kurashish tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida”gi Farmoni ijrosi yuzasidan tuman tibbiyot muassasalarida o‘rganish ishlari olib borildi.

O‘rganish davomida sog‘liqni saqlash tizimida korrupsiyaning oldini olish, ochiqlik va shaffoflikni ta'minlash, fuqarolarga tibbiy xizmat ko‘rsatish sifati hamda Farmonda belgilangan vazifalarning amaliy ijrosi atroflicha tahlil qilindi.

O‘rganish yakunlari bo‘yicha aniqlangan holatlar va tegishli takliflar umumlashtirilib, masalani batafsil muhokama qilish hamda zarur qarorlar qabul qilish maqsadida Xalq deputatlari Angor tumani Kengashining navbatdagi sessiyasi kun tartibiga kiritilishi belgilandi.