Xalq deputatlari Angor tumani Kengashining doimiy komissiyasi yig‘ilishi bo‘lib o‘tdi. Unda Kengashning navbatdagi sessiyasi kun tartibiga kiritilishi rejalashtirilgan masalalar muhokama qilindi.

Jumladan, davlat organlari va tashkilotlarining tuman tuzilmalarida norma ijodkorligi faoliyati hamda huquqni qo‘llash amaliyotining holati yuzasidan 2026-yil II chorak yakunlari bo‘yicha tayyorlangan axborot atroflicha ko‘rib chiqildi.

Muhokamalar davomida komissiya a’zolari norma ijodkorligi jarayonida qonunchilik talablariga rioya etilishi, huquqni qo‘llash amaliyotining samaradorligi, amaldagi normativ-huquqiy hujjatlar ijrosi hamda mavjud muammolar yuzasidan o‘z fikr va takliflarini bildirdilar. Shuningdek, huquqni qo‘llash amaliyotini yanada takomillashtirish, qonunchilik hujjatlarining sifatli va o‘z vaqtida ijrosini ta’minlash masalalariga alohida e’tibor qaratildi.

Yig‘ilish yakunida ko‘rib chiqilgan masala yuzasidan tegishli tavsiyalar ishlab chiqilib, mazkur masalani Xalq deputatlari Angor tumani Kengashining navbatdagi sessiyasi muhokamasiga kiritish ma’qullandi