DEPUTAT SO‘ROVI IJOBIY HAL ETILDI

✅Xalq deputatlari Bandixon tuman Kengashining 14-Bahoriston saylov okrugi deputati Jumayev Sirojiddin Nurqobilovich tomonidan "Bahoriston" mahallasini zamonaviy, mustahkam va uzoq muddat foydalanishga mo‘ljallangan beton elektr uzatish ustunlari bilan ta’minlash masalasi yuzasidan yuborilgan deputat so‘rovi ijobiy hal etildi.

✅Mazkur masala Bandixon tuman hokimligi hamda tuman elektr ta’minoti korxonasi mutaxassislari tomonidan belgilangan tartibda o‘rganilib, natijada mahallaga beton elektr uzatish ustunlari ajratildi hamda hududga yetkazib berilib, o‘rnatish ishlari amalga oshirildi.

✅Bajarilgan ishlar 14-Bahoriston saylov okrugi deputati Jumayev Sirojiddin Nurqobilovich hamda tuman Kengashi bosh mutaxassisi B. Qurbonov tomonidan joyiga chiqib ko‘zdan kechirildi.

✅Natijada deputat tomonidan ko‘tarilgan masala amaliy yechim topib, "Bahoriston" mahallasida elektr ta’minoti infratuzilmasini yanada yaxshilash yo‘lidagi muhim ishlar amalga oshirildi.

Xalq manfaatlari yo‘lida olib borilayotgan amaliy ishlar davom etadi.