Xalq deputatlari Toyloq tumani Kengashi deputati F. Sidiqov, tuman Agrobank boshlig'i o'rinbosari S. Abdurahimov hamda mas'ullar ishtirokida Baxshitepa mahallasida yashovchi fuqaro G'afforov Azimning murojaati o'rganildi.

Murojaatni ijobiy hal etish maqsadida mahalla hokim yordamchisi A. Barotov tavsiyasi asosida fuqaroga tadbirkorlik faoliyatini yo'lga qo'yish uchun 14 mln 500 ming so'm miqdorida imtiyozli kredit ajratilib, motoskuter xarid qilib berildi.

Mazkur amaliy yordam fuqaroning bandligini ta'minlash, daromad manbaini yaratish hamda tadbirkorlik faoliyatini rivojlantirishga xizmat qiladi.

Xalq deputatlari tuman Kengashi tomonidan fuqarolar murojaatlarini o'rganish va ularning muammolarini ijobiy hal etish borasidagi ishlar izchil davom ettirilmoqda.