DEPUTAT AWIR KATEGORIYADAǴI MÁHÁLLEDE ÚYRENIW JUMISLARIN ÓTKERDI

Qaraqalpaqstan Respublikası Joqarǵı Keńesi 58-sanlı “Tazajol” saylaw okruginen deputatı F.Palvanova hám rayonlıq Keńesi sekretariat baslıǵı M.Zarikeev “Páshenttaw” awıl puqaralar jıyınında boldı, aymaqtıń sociallıq-ekonomikalıq jaǵdayı hám xalıqtı qıynap kiyatırǵan áhmiyetli mashqalalardı ornına shıǵıp úyrendi.

Úyreniw dawamında máhálle puqaraları, belsendiler hám juwapker shólkemlerdiń wákilleri menen ushırasıwlar ótkerilip, ishimlik suwı, elektr támiynatı, jol infrastrukturası, bántlik, sociallıq qorǵaw hám abadanlastırıwǵa baylanıslı máseleler dodalandı.


Maǵlıwmat ushın: Ózbekstan Respublikası Prezidentiniń 2024-jıl 23-sentyabr kúngi "Kámbaǵallıqtan abadanlıqqa qaray" baǵdarlamasın ámelge asırıw boyınsha birinshi gezektegi ilajlar haqqında"ǵı PQ-330-sanlı qararına tiykar Xalıq deputatları Shımbay rayonlıq Keńesinıń 2026-jıl 30-yanvar kúngi “Shımbay rayonında "Awır máhálle" sıpatında tańlap alınǵan máhállelerde ámelge asırılatuǵın jumıslar haqqında”ǵı VII-16-10-13-192-K/26-sanlı qarar qabıl etildi.


Deputat tárepinen bunday úyreniwler aymaqlardaǵı bar mashqalalardı óz waqtında anıqlaw, olardı nátiyjeli sheshiw hám xalıq penen ashıq-aydın pikirlesiwdi jáne de bekkemlewge xızmet etetuǵını atap ótildi.