DEPUTAT MÁHÁLLEDE XALIQ MASHQALALARIN ÚYRENDI

Qaraqalpaqstan Respublikası Joqarǵı Keńesi 58-sanlı “Tazajol” saylaw okruginen deputatı F.Palvanova hám rayonlıq Keńesi sekretariat baslıǵı M.Zarikeev “Páshenttaw” awıl puqaralar jıyınında bolıp, puqaralar menen ashıqtan-ashıq sóylesiw ótkerdi hám olardı qıynap atırǵan mashqalalardı úyrendi.

Úyreniw dawamında máhálle belsendileri, nuranıylar, hayal-qızlar hám jaslar menen sáwbetlesip, aymaqtaǵı ishimlik suwı támiynatı, jol infrastrukturası, elektr energiyası, bántlik, sociallıq járdem hám abadanlastırıw máseleleri dodalandı.

Sonday-aq, deputat máhálledegi sociallıq obektler hám alıp barılıp atırǵan dóretiwshilik jumısları menen tanısıp, juwapker shólkemlerdiń wákilleri qatnasıwında bar mashqalalardı saplastırıw boyınsha tiyisli tapsırmalar hám usınıslar berdi.

Kóshpeli qabıllaw dawamında puqaralar tárepinen bildirilgen múrájatlar qadaǵalawǵa alınıp, olardı nızamshılıqta belgilengen tártipte sheshiw boyınsha juwapker shólkemlerge deputatlıq sorawlar jiberiliwi belgilendi.