Xalq deputatlari Muzrabot tumani Kengashining navbatdagi sessiyasi oldidan Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyaning navbatdagi majlisi bo‘lib o‘tdi.

Yig'ilishda doimiy komissiya a'zolari, tuman Kengashi huzuridagi Ekspert guruhi a’zolari, tegishli mas'ullar va OAV vakillari ishtirok etdi. Yig'ilishga doimiy komissiya raisi kun tartibidagi masalalar bilan ishtirokchilarni tanishtirdi.

Majlis kun tartibiga quyidagi muhim masala kiritildi:
1. O‘zbekiston Respublikasi Vazirlar Mahkamasining 2026-yil 25-fevral kunidagi 78-sonli qarori ijrosi yuzasidan tumandagi Yoshlarning intellektual salohiyatini yuksaltirish, ularning bo‘sh vaqtini mazmunli tashkil etish va huquqiy savodxonligini oshirish, shuningdek, besh muhim tashabbus doirasidagi tadbirlarni “Yoshlar daftari” jamg‘armasi hisobidan moliyalashtirish to‘gʻrisida.

Kun tartibidagi masala yuzasidan Yoshlar ishlari agentligi Muzrabot tuman bo‘limi boshlig‘i J.Norboyev axborot berdi.

Ma’ruzachi o‘z axborotida O‘zbekiston Respublikasi Vazirlar Mahkamasining 2026-yil 25- fevraldagi “Vazirlar Mahkamasining 2022-yil 7- iyundagi 312-sonli qaroriga o‘zgartirish va qo‘shimchalar kiritish to‘g‘risida”gi 78-sonli qarori bilan “Yoshlar daftari” jamg‘armasi mablag‘laridan foydalanish tartibi yanada takomillashtirilganligi haqida ma’lumot berdi.

Muhokamalar yakunida komissiya a’zolarining takliflari inobatga olingan holda har ikki masala bo‘yicha tegishli qarorlar loyihalari ma’qullandi hamda ularni xalq deputatlari Muzrabot tumani Kengashining navbatdagi sessiyasi kun tartibiga kiritish to‘g‘risida qaror qabul qilindi.