Xalq deputatlari Qo‘qon shahar Kengashi deputati G.Rasulova tomonidan o‘zi saylangan 22-Charhini ko‘prigi saylov okrugi hududidagi "Charhini ko‘prigi" mahalla fuqarolar yig‘inida saylovchilar bilan navbatdagi uchrashuvi o‘tkazildi.

Uchrashuv davomida hududni ijtimoiy-iqtisodiy rivojlantirish, aholini qiynab kelayotgan muammolarni o‘rganish hamda fuqarolar murojaatlarini tinglash masalalariga alohida e’tibor qaratildi.

Saylovchilar tomonidan uy-joy, kommunal xizmatlar, infratuzilmani yaxshilash, bandlikni ta’minlash va ijtimoiy qo‘llab-quvvatlash bilan bog‘liq bir qator murojaat hamda takliflar bildirildi. Har bir murojaat belgilangan tartibda o‘rganish va amaliy yechim topish uchun deputat nazoratiga olindi.

Shuningdek, uchrashuvda fuqarolar bilan ochiq muloqot o‘tkazilib, hududni yanada obod qilish, aholi farovonligini oshirish hamda saylovchilar bilan doimiy va samarali hamkorlikni yo‘lga qo‘yish masalalari yuzasidan fikr almashildi.

Uchrashuv yakunida ko‘tarilgan masalalar yuzasidan tegishli mutasaddi tashkilotlar bilan hamkorlikda zarur choralar ko‘rilishi hamda murojaatlar ijrosi deputat nazoratida bo‘lishi ta’kidlandi.

Xalq deputatlari Qo‘qon shahar Kengashi