Xalq deputatlari Pastdarg‘om tuman Kengashi deputati M.Altibayeva tomonidan navbatdagi sessiya kun tartibiga kiritilgan tuman veterinariya va chorvachilikni rivojlantirish bo‘limi rahbarining hisobotini tayyorlash doirasida Chandirobod MFYda o‘rganish ishlari olib borildi.

O‘rganishda aholi xonadonlaridagi chorva mollari holati, veterinariya xizmatining tashkil etilishi, veterinariya pasportini yuritish tartibi hamda veterinariya mutaxassis joylardagi faoliyati bilan tanishildi.

Chorvachilik bilan shug‘ullanayotgan fuqarolar bilan uchrashuvlar o‘tkazilib, ularga ko‘rsatilayotgan veterinariya xizmatlari sifati yuzasidan fikr va mulohazalar tinglandi.

Veterinariya xizmatlarining ayrim hududlarda yetarli darajada tashkil etilmagani, profilaktik emlash tadbirlarining to‘liq amalga oshirilmayotgani hamda chorva kasalliklarining oldini olish va bartaraf etishda malakali mutaxassislarga ehtiyoj yuqoriligi qayd etildi.