O‘zbekiston Respublikasi Prezidentining 2024-yil 28-martdagi PQ–141-son qaroriga asosan Davlat dasturlari doirasida Muzrabot tumanida amalga oshirilayotgan qurilish-ta’mirlash ishlarining borishi va sifatini o‘rganish maqsadida Xalq deputatlari Muzrabot tumani Kengashi kotibiyati mudiri Dilmurod Sherboyev hamda tuman Kengashi kotibiyati bosh mutaxassisi B.Xoliqov tomonidan “Mehrigiyox” mahallasida o‘rganish ishlari olib borildi.

Mehrigiyoh mahallasida 120 o‘rinli DMTT qurilishi davom etmoqda

Muzrabot tumani Mehrigiyoh mahallasida 120 o‘rinli davlat maktabgacha ta’lim tashkilotini yangidan qurish ishlari izchil davom ettirilmoqda. Mazkur loyiha uchun jami 5 milliard 520 million so‘m mablag‘ ajratilgan. Ayni paytda obyektda montaj pardozlash ishlari tasdiqlangan loyiha hujjatlariga muvofiq jadal sur’atlarda olib borilmoqda.

Bugun tegishli masʼullar tomonidan ishlarning sifati hamda belgilangan me’yor va talablarga muvofiqligi o'rganilib pudratchi tashkilot mas'ullariga kerakli topshiriq va ko'rsatmalar berdi.

Qurilish ishlari pudratchi tashkilot — “YULDUZ-AZIZA-XAFIZAXON” XK tomonidan amalga oshirilmoqda.

Obyekt hududini tartibga keltirish, xususan, atrofini o‘rash ishlari ham bosqichma-bosqich amalga oshirilmoqda.

O‘rganish yakunida deputat tomonidan mutasaddilarga qurilish-ta’mirlash ishlarini sifatli va belgilangan muddatlarda yakunlash yuzasidan tegishli tavsiya hamda ko‘rsatmalar berildi.