Xalq deputatlari Parkent tumani Kengashiga 25-“Oydin” saylov okrugidan saylangan deputat Ismailov Qamariddin Abduraximovich tomonidan “Oydin” mahalla fuqarolar yig‘inida faoliyat yuritayotgan ijtimoiy xodimning ish faoliyati hamda aholining ijtimoiy ehtiyojmand toifalariga ko‘rsatilayotgan xizmatlar sifati o‘rganildi.Nazorat tadbiri davomida deputat mahalladagi ijtimoiy xodim Miribatov Sanat Mirqodir o‘g‘lining faoliyati bilan yaqindan tanishdi.Xususan, yolg‘iz keksalar, nogironligi bo‘lgan shaxslar hamda boshqa ehtiyojmand fuqarolarga ko‘rsatilayotgan ijtimoiy xizmatlarning manzilliligi va maqsadliligi yuzasidan tahliliy o‘rganish olib borildi.O‘rganish jarayonida ijtimoiy xodim tomonidan ehtiyojmand oilalarga amaliy yordam ko‘rsatilib, 14 ta xonadon oziq-ovqat mahsulotlari, 4 ta xonadon kiyim-kechak bilan ta’minlangani, shuningdek, 5 nafar fuqaroga tabiiy gaz va elektr energiyasi xarajatlari uchun kompensatsiya ajratilgani ma’lum qilindi.Shuningdek, mahallada 110 nafar nogironligi bo‘lgan fuqaro, 14 nafar alohida ijtimoiy ko‘makka muhtoj shaxs, 4 ta kambag‘allik chegarasidagi hamda 83 ta kambag‘al oila mavjudligi qayd etildi.Bundan tashqari, joriy yil davomida 3 nafar fuqaroga davolanish uchun tavsiyanomalar rasmiylashtirilgani, 8 nafar fuqaro protez-ortopediya moslamalari va reabilitatsiyaning texnik vositalari bilan ta’minlangani hamda 5 nafar nogironligi bo‘lgan mehnatga layoqatli shaxsning doimiy ish bilan bandligi ta’minlangani ta’kidlandi.Deputat tomonidan o‘rganish yakunlari yuzasidan ijtimoiy xizmatlar sifatini yanada oshirish, ehtiyojmand fuqarolarni qo‘llab-quvvatlash choralarini izchil davom ettirish bo‘yicha tegishli tavsiya va takliflar bildirildi.