“Chiqindilar to‘g‘risida”gi Qonun ijrosi deputat nazoratida

📍 Xalq deputatlari tuman Kengashining 18-Samarqand saylov okrugi deputati N.Imomov tomonidan O‘zbekiston Respublikasining 2002 yil 5 apreldagi “Chiqindilar to‘g‘risida”gi 362-II-sonli Qonuni ijrosini ta’minlash yuzasidan Ibn Sino MFYda o‘rganish ishlari olib borildi.

🔍 O‘rganish davomida hududlarda maishiy chiqindilarni yig‘ish va olib chiqish ishlarining tashkil etilishi, chiqindi to‘plash maydonchalarining sanitariya holati, maxsus konteynerlar bilan ta’minlanganlik darajasi, chiqindilarni belgilangan jadval asosida tashib ketish ishlari hamda mas’ul tashkilotlar tomonidan Qonun talablariga rioya etilishi o‘rganildi.

🤝 Shuningdek, mutasaddi tashkilotlar va mas’ul xodimlar ishtirokida amaliy muloqot o‘tkazilib, aniqlangan kamchiliklarni bartaraf etish, aholi yashash hududlarida sanitariya-ekologik holatni yaxshilash, chiqindilarni o‘z vaqtida olib chiqish hamda qonun talablarining to‘liq ijrosini ta’minlash yuzasidan tegishli tavsiyalar berildi.

🌿 Deputatlik nazorati davomida chiqindilar bilan bog‘liq ishlarni yanada samarali tashkil etish, atrof-muhit musaffoligini ta’minlash va aholi uchun qulay hamda sog‘lom ekologik muhit yaratishga qaratilgan chora-tadbirlarni izchil amalga oshirish muhimligi ta’kidlandi.

📌 Mazkur yo‘nalishda nazorat tadbirlari kelgusida ham davom ettiriladi.