Qahramon MFYda aholini ijtimoiy ta'minlash masalalari yuzasidan uchrashuv o'tkazildi 

Xalq deputatlari Oltiariq tuman Kengashi deputati Sh. Maxmudov hamda tuman hokimligi bosh mutaxassisi A. Turg'unov tomonidan Qahramon mahalla fuqarolar yig'inida mahalla yettiligi a'zolari ishtirokida navbatdagi uchrashuv tashkil etildi. Uchrashuv davomida bepul beriladigan dori vositalari bilan ta'minlash holati atroflicha muhokama qilindi. Mutasaddilar tomonidan berilgan ma'lumotlarga ko'ra, bepul dori vositalari belgilangan tartibda va o'z vaqtida ta'minlanmoqda. Mazkur
yo'nalishda tizimli nazorat olib borilayotgani ta'kidlandi. Shuningdek, aholi iste'moli uchun zarur bo'lgan oziq-ovqat mahsulotlarining narx-navosi hamda ularning savdo shoxobchalaridagi yetarliligi yuzasidan o'rganish natijalari ko'rib chiqildi. Mahalla hududida asosiy turdagi oziq-ovqat mahsulotlari bilan ta'minlanganlik holati yaxshi ekani, mahsulotlar
yetarli miqdorda mavjudligi va narxlar barqarorligi qayd etildi.