1-iyun – Xalqaro bolalarni himoya qilish kuni munosabati bilan Xalq deputatlari Sardoba tumani Kengashi deputati G.Suvonqulova tashabbusi bilan Paxtakor mahallasida joylashgan Madaniyat saroyida bayram tadbiri tashkil etildi.
Tadbirda mahalla faollari, ota-onalar va keng jamoatchilik vakillari ishtirok etib, bolajonlar uchun qiziqarli madaniy-ma’rifiy dasturlar, chiqishlar hamda ko‘ngilochar tomoshalar namoyish etildi. Bayram davomida farzandlarimizga mehr-e’tibor ko‘rsatilib, ularning yuzlaridagi quvonch va tabassum tadbirga yana-da ko‘tarinki ruh bag‘ishladi.
Mazkur tadbirning asosiy maqsadi yosh avlodning huquq va manfaatlarini himoya qilish, ularni vatanparvarlik, milliy va umuminsoniy qadriyatlarga hurmat ruhida tarbiyalash hamda bolalarning bo‘sh vaqtlarini mazmunli tashkil etishdan iborat bo‘ldi.
Yurtimizda bolalarga qaratilayotgan yuksak e’tibor va g‘amxo‘rlik kelajagimiz egalarining har tomonlama barkamol va baxtli bo‘lib voyaga yetishiga mustahkam zamin yaratmoqda. Bunday ezgu tadbirlar esa farzandlarimiz qalbida unutilmas taassurotlar qoldirib, ularning orzu-intilishlarini qo‘llab-quvvatlashga xizmat qilad