Xalq deputatlari tuman Kengashi kotibiyati bosh mutaxassisi J.Axmadaliyev o‘ziga biriktirilgan Bobur mahallasiga tashrif buyurdi. Tashrif doirasida mahalla fuqarolar yig‘ini raisi bilan uchrashuv o‘tkazilib, mahallada amalga oshirilayotgan ijtimoiy-iqtisodiy islohotlar, obodonlashtirish va ko‘kalamzorlashtirish ishlari, aholi bandligini ta’minlash, kam ta’minlangan oilalarni qo‘llab-quvvatlash hamda fuqarolar murojaatlari bilan ishlash holati yuzasidan atroflicha suhbatlashildi. Shuningdek, mahallada
mavjud dolzarb masalalar, infratuzilmani yaxshilash, kommunal xizmatlar sifatini oshirish, aholining turmush sharoitini yanada yaxshilashga qaratilgan chora-tadbirlar muhokama qilindi. Mahalla raisi tomonidan amalga oshirilayotgan ishlar, erishilgan
natijalar hamda kelgusida bajarilishi rejalashtirilgan vazifalar to‘g‘risida ma’lumot berildi. Uchrashuv davomida aholi murojaatlarini o‘z vaqtida ko‘rib chiqish, ularning qonuniy yechimini ta’minlash, davlat organlari va mahalla o‘rtasidagi hamkorlikni yanada mustahkamlash, shuningdek, ijtimoiy ahamiyatga ega masalalarni tizimli hal etish bo‘yicha fikr almashildi. Tashrif yakunida mahalladagi ustuvor vazifalarni o‘z vaqtida va sifatli bajarish, aniqlangan muammolarni bartaraf etish hamda aholi bilan muloqotni yanada kuchaytirish yuzasidan tegishli tavsiyalar berildi. Xalq deputatlari tuman Kengashi kotibiyati tomonidan biriktirilgan mahallalarda amalga oshirilayotgan ishlar ustidan monitoring va amaliy ko‘mak ko‘rsatish ishlari izchil
davom ettirilmoqda.