📍 O‘zbekiston Respublikasining “Davlat-xususiy sheriklik to‘g‘risida”gi Qonuni (O‘RQ–537-son) ijrosi doirasida Xalq deputatlari Shovot tumani Kengashi O‘zLiDeP deputati M.Yaxshimuratova hamda tuman Kengashi kotibiyati xodimi U.Ruzmetov bilan birgalikda “Ozodov Diyorbek” oilaviy nodavlat maktabgacha ta’lim tashkiloti faoliyati o‘rganildi.
👶 Mazkur nodavlat maktabgacha ta’lim tashkiloti 50 nafar tarbiyalanuvchiga mo‘ljallangan bo‘lib, bugungi kunda unda 25 nafar tarbiyalanuvchi ta’lim-tarbiya olmoqda.
🔎 O‘rganish davomida ta’lim-tarbiya jarayoni, yaratilgan shart-sharoitlar, moddiy-texnik baza, sanitariya-gigiyena talablari hamda tarbiyalanuvchilar uchun xavfsiz va qulay muhitni ta’minlash holati ko‘zdan kechirildi.
🤝 Shuningdek, muassasa rahbari bilan mavjud imkoniyatlardan samarali foydalanish, tarbiyalanuvchilar sonini bosqichma-bosqich oshirish hamda ta’lim sifati va xizmatlar ko‘lamini yanada yaxshilash yuzasidan fikr almashildi.
✅ Xalq deputatlari Shovot tumani Kengashi tomonidan davlat-xususiy sheriklik asosida faoliyat yuritayotgan ijtimoiy soha obyektlari faoliyatini o‘rganish va ularni qo‘llab-quvvatlash bo‘yicha ishlar izchil davom ettirilmoqda.