Fuqarolar murojaatlari doimiy e'tiborda

Xalq deputatlari Shirin shahar Kengashi kotibiyati mudiri Mastura Salimova tomonidan Amir Temur mahallasida fuqarolar bilan uchrashuv o‘tkazilib, ularning murojaatlari joyiga chiqqan holda o‘rganilmoqda.

Muloqot davomida aholini qiynab kelayotgan ijtimoiy, kommunal va infratuzilmaga oid masalalar, shuningdek, fuqarolar tomonidan bildirilgan taklif va tashabbuslar tinglandi. Har bir murojaat yuzasidan tegishli tashkilotlar bilan hamkorlikda amaliy choralar ko‘rish hamda muammolarni qonunchilik doirasida hal etish bo‘yicha zarur tavsiyalar berildi.

Fuqarolar murojaatlarini o‘z vaqtida ko‘rib chiqish, ularning qonuniy manfaatlarini ta'minlash hamda aholi bilan ochiq va samarali muloqotni yo‘lga qo‘yish Xalq deputatlari Shirin shahar Kengashi faoliyatining ustuvor yo‘nalishlaridan biri hisoblanadi.