Xalq deputatlari tuman Kengashi kotibiyatining tasdiqlangan ish rejasi ijrosini ta’minlash maqsadida Kengash kotibiyati mudiri G.Bobojonova tomonidan tumandagi 10-sonli umumiy o‘rta ta’lim maktabiga tashrif amalga oshirildi. Tashrif davomida ta’lim
muassasasining kuz-qish mavsumiga tayyorgarlik holati atroflicha o‘rganildi. Jumladan, isitish tizimining texnik holati, qozonxona va muhandislik-kommunikatsiya tarmoqlarining ishga shayligi, sinf xonalari hamda boshqa xizmat xonalarining mavsumga tayyorligi, elektr ta’minoti va yong‘in xavfsizligi talablariga rioya etilishi ko‘zdan kechirildi. Shuningdek, muassasa rahbariyati bilan amalga oshirilayotgan tayyorgarlik ishlari, mavjud muammo va ehtiyojlar muhokama qilinib, ularni o‘z vaqtida bartaraf etish yuzasidan fikr almashildi. Ta’lim muassasasida o‘quvchilar uchun xavfsiz va qulay shart-sharoitlar yaratish, kuz-qish mavsumini betalafot o‘tkazish hamda belgilangan chora-tadbirlarni o‘z muddatida va sifatli bajarish yuzasidan tegishli tavsiya va topshiriqlar berildi. Tashrif yakunida aniqlangan holatlar bo‘yicha tahlil qilinib, belgilangan vazifalarning ijrosini ta’minlash va mavjud kamchiliklarni bartaraf etish yuzasidan mas’ullarga tegishli ko‘rsatmalar berildi.