Deputat so‘rovi asosida muammo bartaraf etildi

Xalq deputatlari Navoiy shahar Kengashi deputati Xudayqulova Nargiza G‘aybullayevna tomonidan aholi murojaati asosida yuborilgan deputatlik so‘rovi ijrosini ta’minlash maqsadida tegishli mas’ul tashkilotlar tomonidan amaliy ishlar olib borildi.

Natijada hududdagi piyodalar yo‘lagi ta’mirlanib, unga yangi asfalt qoplamasi yotqizildi. Mazkur ishlar fuqarolar, ayniqsa, keksalar, yoshlar va bolalarning xavfsiz hamda qulay harakatlanishi uchun zarur sharoit yaratdi.

Aholi murojaatlariga o‘z vaqtida munosabat bildirish, mavjud muammolarni tezkor bartaraf etish hamda hududlarni obodonlashtirish borasidagi ishlar izchil davom ettirilmoqda.

Deputatlik so‘rovi asosida amalga oshirilgan ushbu ish fuqarolarning manfaatlarini ta’minlash, ularning hayot sifatini yanada yaxshilash yo‘lidagi samarali hamkorlikning amaliy natijasidir.

Bu kabi ezgu va amaliy ishlar kelgusida ham davom ettirilib, aholi uchun qulay va xavfsiz infratuzilmani yaratishga xizmat qiladi.