Usı maqsette turaqlı komissiya baslıǵı B.Qudenova hám komissiya aǵzası A.Ubaydullaeva «Norma dóretiwshiligi, nızam hújjetlerin ekspertizadan ótkeriw, huqıqtı qollaw ámeliyatın jetilistiriw, huqıqıy mádeniyattı arttırıw hám puqaralar menen islesiw boyınsha Shomanay rayonı Ádillik bólimi tárepinen 2026-jıldıń birinshi yarım jıllıǵı dawamında ámelge asırılǵan jumıslar haqqında»ǵı másele boyınsha ámeliy úyreniw jumısların alıp bardı.
📌 Úyreniw dawamında:
⚖️ Nızam hújjetleriniń orınlanıwın támiyinlew baǵdarındaǵı jumıslar;
📚 Xalıq arasında huqıqıy sawatlılıqtı arttırıw ilajları;
📝 Hújjetlerdi huqıqıy ekspertizadan ótkeriw ámeliyatı;
🤝 Puqaralar múrájatları menen islew hám olardıń huqıq hám máplerin qorǵaw baǵdarındaǵı jumıslar;
🔎 Huqıqtı qollaw ámeliyatın jetilistiriw boyınsha alıp barılǵan ilajlar tereńnen úyrenildi.
Talqılawlar dawamında ádillik tarawındaǵı reformalardıń ámeliy nátiyjeleri, puqaralardıń huqıqıy mádeniyatın joqarılatıw, nızamshılıqtıń mazmunın keń jámiyetshilikke jetkiziw hám xalıq penen islesiw sistemasınıń nátiyjeliligi ayırıqsha dıqqat orayında boldı.
💬 Komissiya aǵzaları tárepinen bul baǵdardaǵı jumıslardı jáne de jetilistiriw, puqaralarǵa huqıqıy járdem kórsetiw sapasın arttırıw hám nızam ústinligin bekkemlew boyınsha tiyisli usınıslar bildirildi.
✨ Nızam ústemligi – rawajlanıwdıń tiykarı!
✨ Huqıqıy mádeniyat joqarı bolǵan jerde ádillik tamiyinlenedi!
✨ Xalıq mápleri – biziń baslı wazıypamız!