Nayman mahallasida deputatlik nazorati doirasida ichki yo‘llar holati o‘rganildi

🇺🇿 Xalq deputatlari Uchtepa tumani Kengashi deputatlarining 24 talik tavsiyalari ijrosi doirasida xalq deputatlari Uchtepa tumani Kengashiga "Adolat" SDPdan saylangan "20-Xirmontepa" okrugi deputati Malikova Saodat Tolipovna tomonidan o‘z saylov okrugidagi Nayman mahallasida deputatlik nazorati tadbiri o‘tkazildi.

💼 O‘rganishda Nayman mahalla fuqarolar yig‘ini raisi Kenjebayeva Altinoy, hokim yordamchisi hamda xalq deputatlari Uchtepa tumani Kengashi kotibiyati bosh mutaxassisi Zarnigor Kuziyeva ishtirok etdi.

🤔 Nazorat tadbiri davomida mahallada amalga oshirilayotgan ishlar samaradorligi, aholi uchun yaratilayotgan shart-sharoitlar hamda mavjud muammolar joyiga chiqqan holda o‘rganildi. Xususan, Nayman mahallasi hududidagi ichki ko‘cha yo‘llarining holati ko‘zdan kechirildi.

📝 O‘rganish natijasida Nayman MFY hududidagi 5-, 25- va 3A-ko‘p qavatli uylar oldidagi ichki yo‘llarni asfaltlashtirish zarurligi aniqlandi. Mazkur masala yuzasidan tegishli mutasaddi tashkilotlarga taklif va tavsiyalar berilib, muammoni bartaraf etish bo‘yicha amaliy choralar ko‘rish lozimligi ta’kidlandi.

📈 Deputatlik nazorati tadbirlari aholini qiynab kelayotgan dolzarb muammolarni aniqlash, ularning yechimini ta’minlash hamda hududlarda olib borilayotgan bunyodkorlik ishlarining samaradorligini oshirishga xizmat qilmoqda.