TURAQLI KOMISSIYA BASLIǴI RAYONLIQ DENSAWLIQTI SAQLAW BÓLIMI JUMISIN ÚYRENDI

♻️ Xalıq deputatları Shımbay rayonlıq Keńesiniń Sociallıq taraw, jaslar siyasatı, mádeniyat hám sport máseleleri boyınsha turaqlı komissiyasınıń baslıǵı T.Palvaniyazova rayonlıq Densawlıqtı saqlaw bóliminde bolıp, tarawda ámelge asırılıp atırǵan jumıslar menen jaqınnan tanıstı.

Úyreniw dawamında xalıqqa kórsetilip atırǵan medicinalıq xızmetlerdiń sapası, birlemshi medicinalıq-sanitariyalıq járdemdi jetilistiriw, medicina mákemeleriniń materiallıq-texnikalıq bazası, dári-dármaq támiynatı, maman medicina xızmetkerleri menen támiyinlengenligi hám tarawǵa baylanıslı mámleketlik baǵdarlamalardıń orınlanıwı boyınsha alıp barılıp atırǵan jumıslar dodalandı.

Sonday-aq, juwapker qánigeler menen ushırasıw ótkerilip, xalıqtıń salamatlıǵın bekkemlew, medicinalıq xızmetlerdiń sapasın bunnan bılay da arttırıw, múrájatlardı óz waqtında kórip shıǵıw hám bar mashqalalardı saplastırıw boyınsha pikir alısıldı.

Juwmaǵında turaqlı komissiya baslıǵı tárepinen densawlıqtı saqlaw sisteması jumısınıń nátiyjeliligin arttırıw, xalıqqa sapalı hám qolaylı medicinalıq xızmet kórsetiwdi támiyinlew jáne bar kemshiliklerdi saplastırıw boyınsha tiyisli usınıs hám usınıslar bildirildi.