ДЕПУТАТ САЙЛОВЧИЛАР ОЛДИДА ҲИСОБОТ БЕРДИ
ХАЛҚ ДЕПУТАТЛАРИ ЯНГИҚЎРҒОН ТУМАНИ КЕНГАШИ депутати Қодиров Икромжон Жўраевич томонидан сайлов округида жойлашган маҳаллада аҳоли билан учрашув ўтказилиб, депутатлик фаолияти юзасидан ҳисобот берилди.
Учрашув давомида депутат томонидан ўтган давр мобайнида амалга оширилган ишлар, фуқаролар мурожаатлари асосида ҳал этилган масалалар, ҳудудни ижтимоий-иқтисодий ривожлантириш бўйича олиб борилаётган ишлар ҳақида батафсил маълумот берилди.
Шунингдек, аҳоли томонидан билдирилган таклиф ва муаммолар тингланиб, уларни ҳал этиш юзасидан тегишли чора-тадбирлар белгилаб олинди. Фуқаролар билан очиқ мулоқот қилиш, уларнинг муаммоларини ўрганиш ва ижобий ҳал этиш депутатлик фаолиятининг устувор йўналишларидан бири экани таъкидланди.
Учрашув якунида аҳоли томонидан билдирилган мурожаатлар назоратга олиниб, масъул ташкилотлар билан ҳамкорликда уларни ижобий ҳал этиш бўйича ишлар олиб борилиши маълум қилинди.