Булоқбоши маҳалласида ўрганиш ишлари олиб борилди
Халқ депутатлари Янгиқўрғон тумани Кенгаши котибияти мудири Эргашева Мунисхон Рустамбековна ҳамда Халқ депутатлари Янгиқўрғон тумани Кенгаши депутати Юлдашев Ғолибжон Турғунпўлатович Булоқбоши маҳалла фуқаролар йиғинида бўлиб, маҳалла раиси ва ёшлар етакчиси фаолиятини ўргандилар.
Ўрганиш давомида маҳаллада ёшлар билан ишлаш, уларнинг бўш вақтини мазмунли ташкил этиш, спорт ва маданий тадбирларга жалб қилиш борасида амалга оширилаётган ишлар таҳлил қилинди.
Шунингдек, маҳалладаги спорт майдончасини таъмирлаш, ёшлар учун қулай шарт-шароитлар яратиш ҳамда аҳоли томонидан билдирилган бошқа мавжуд муаммоларни ҳал этиш масалалари кўриб чиқилди.
Аниқланган муаммолар юзасидан тегишли масъулларга таклиф ва тавсиялар берилди. Маҳалла аҳолиси, айниқса ёшлар манфаатларини таъминлаш борасида депутатлик назорати давом эттирилиши белгиланди.