Xalq deputatlari Furqat tumani Kengashi deputati N.Mahkamov tomonidan “Qushchi” mahalla fuqarolar yig‘inida navbatdagi sayyor qabul o‘tkazildi.

Sayyor qabul davomida fuqarolar tomonidan asosan kadastr bilan bog‘liq masalalar ko‘tarildi. Jumladan, ayrim xonadonlarda yer va mulk hujjatlarini rasmiylashtirish uchun hokim qarorlari mavjud emasligi, ko‘plab fuqarolarga mol-mulk va yer soliqlari bo‘yicha to‘lov xabarnomalari yetib kelmayotganligi yuzasidan murojaatlar bildirildi.

Shuningdek, mahalla aholisi tomonidan “Qushchi” MFY hududida kadastr xatlov ishlarini 2027-yilda o‘tkazish masalasi bo‘yicha tegishli tashkilotlarga murojaat kiritish taklifi ilgari surildi.

Qabul davomida fuqarolar tomonidan bildirilgan murojaatlar deputat N.Mahkamovning hududdagi muammolarni qayd etish daftariga ro‘yxatga olinib, atroflicha o‘rganildi.

Ularning ijobiy yechimini ta’minlash maqsadida tegishli tashkilot va idoralarga deputatlik so‘rovlari yuborildi hamda masalalar deputatlik nazoratiga olindi.

Fuqarolar bilan ochiq muloqot qilish, ularni qiynab kelayotgan muammolarni joyiga chiqib o‘rganish va amaliy yordam ko‘rsatish bo‘yicha ishlar izchil davom ettirilmoqda.