Xalq deputatlari Termiz shahar Kengashi kotibiyati mudiri A.Ashurov Kengash deputati T.Berdiyevning saylov okrugiga qarashli “Nurli kelajak” mahallasida bo‘ldi.

💬 Ushbu nazorat-tahlil jarayoni mahalliy Kengash deputatlari faoliyati uchun belgilangan “24 ta eng muhim yo‘nalish” mezonlari doirasida tashkil etilib, mahalla faollarining ish samaradorligini baholashga qaratildi.

💬 Xususan:

🟢Xotin-qizlar faoli:

 Mahalladagi xotin-qizlarning ijtimoiy-huquqiy himoyasi, ularni ish bilan ta’minlash, kasb-hunarga o‘qitish hamda og‘ir ijtimoiy ahvolga tushib qolgan ayollarga manzilli yordam ko‘rsatish holati tahlil qilindi.

Ayollarning muammolarini hal etishdagi samaradorligi va tashabbuskorligi baholandi.

🟢Yoshlar yetakchisi: Yoshlarning bandligini ta’minlash, ularning bo‘sh vaqtini mazmunli tashkil etish (sport to‘garaklari, madaniy tadbirlar), ularni tadbirkorlikka jalb etish hamda yoshlar muammolarini hal etish borasidagi ishlari o‘rganildi.

Yurtimiz kelajagi bo‘lgan yoshlarga doimiy e’tibor qaratish zarurligi ta’kidlandi.

🟢Profilaktika inspektori: Mahalla hududida jinoyatchilik va huquqbuzarliklarning barvaqt oldini olish, jamoat tartibini saqlash, aholi bilan profilaktik suhbatlar o‘tkazish va xonadonbay ishlash tizimining yo‘lga qo‘yilganligi ko‘rib chiqildi.

Mahallada tinch va osoyishta muhitni ta’minlashdagi faoliyati baholandi.

💬 O‘rganish yakunida aniqlangan kamchiliklarni bartaraf etish, mahalla faollari ish samaradorligini yanada oshirish hamda aholi muammolarini "mahalla-bay" hal etish bo‘yicha tegishli amaliy tavsiya va ko‘rsatmalar berildi.