2026-yil — Quduqsoyliklar uchun bunyodkorlik va taraqqiyot yili!

Bandixon tumanida amalga oshirilayotgan keng ko‘lamli bunyodkorlik ishlari nafaqat markazda, balki eng chekka va olis hududlarda ham izchil davom etmoqda. Ana shunday mahallalardan biri — Quduqsoy bugun o‘zgarishlar va yangilanishlar maskaniga aylanmoqda.

✅O‘zbekiston Respublikasi Prezidentining 2025-yil 24-dekabrdagi PQ-393-sonli qarori ijrosini ta’minlash, xususan, Surxondaryo viloyatining salohiyatini oshirish maqsadida tumandagi "Quduqsoy" MFYda joylashgan 33-sonli umumta’lim maktabida keng ko‘lamli qurilish-rekonstruksiya ishlari olib borilmoqda.

✅Bugun Xalq deputatlari Bandixon tumani Kengashi raisi Jurayev Erkinjon Normuradovich mazkur ob’ektda bo‘lib, loyihaning borishi va sifat darajasini ko‘zdan kechirdi.

Eng quvonarlisi, bugungi kunda Quduqsoyda umumiy qiymati 3 milliard 300 million so‘m bo‘lgan, 240 o‘rinli zamonaviy maktab binosi bunyod etilmoqda. Qurilish maydonida ishlar jadal sur'atlarda davom etib, quruvchilar kelajak avlod uchun munosib ta'lim maskanini barpo etish yo‘lida fidokorona mehnat qilmoqda.

Quduqsoyda amalga oshirilayotgan bunday ezgu va ulkan loyihalar mahalla ahlining hayot sifatini yaxshilash, yoshlar uchun yanada keng imkoniyatlar yaratish hamda hududning ijtimoiy-iqtisodiy rivojlanishiga xizmat qilmoqda.