Deputatlik so‘rovi ijobiy hal etildi.

Xalq deputatlari Bag‘dod tumani Kengashi deputati G‘. Ermatov tomonidan tuman hokimi o‘rinbosari U. Yigitaliyev nomiga Navro‘z mahallasida suyultirilgan gaz ballonlarini o‘z vaqtida yetkazib berilmayotganligi yuzasidan deputatlik so‘rovi yuborilgan edi.
Mazkur so‘rov natijasida muammo atroflicha o‘rganilib, zarur chora-tadbirlar belgilandi hamda amaliy ishlar olib borildi. Ko‘rilgan choralar natijasida Navro‘z mahallasidagi barcha xonadonlar suyultirilgan gaz ballonlari bilan to‘liq ta’minlandi.
Aholini qiynab kelayotgan ushbu masala ijobiy hal etilib, hududda suyultirilgan gaz ta’minoti barqaror yo‘lga qo‘yildi.