📌 “Dolzarb 90 kun” dasturi ijrosi yuzasidan o‘rganish ishlari olib borildi

🏛 Xalq deputatlari Sherobod tuman Kengashining navbatdagi sessiyasi kun tartibiga kiritilgan “Dolzarb 90 kun” dasturi ijrosini ta’minlash maqsadida joylarda o‘rganish ishlari olib borilmoqda.

🏫 Jumladan, Xalq deputatlari Sherobod tuman Kengashining 1-Yangiturmush saylov okrugi deputati S. Eshonqulov tomonidan 2-son Politexnikumda yoshlarning yozgi ta’til davridagi bo‘sh vaqtlarini mazmunli va samarali tashkil etish holati o‘rganildi.

👥 O‘rganish davomida ta’lim muassasasida yoshlarni sport, fan, kasb-hunar hamda ma’naviy-ma’rifiy yo‘nalishlardagi to‘garaklarga keng jalb etish, ularning qiziqish va iste’dodlarini ro‘yobga chiqarish borasida amalga oshirilayotgan ishlar bilan tanishildi.

💬 Shuningdek, mas’ullar bilan suhbat o‘tkazilib, yoshlarning bo‘sh vaqtini samarali tashkil etish, yozgi ta’til davrida ularning bandligini ta’minlash yuzasidan fikr va takliflar bildirildi.

✅ Bu kabi o‘rganishlar “Dolzarb 90 kun” dasturida belgilangan vazifalarning ijrosini ta’minlash hamda yoshlar bilan ishlash samaradorligini yanada oshirishga xizmat qilmoqda.